युवा नेता तथा युवा संघ नेपालका उपमहासचिव संजिप राईले एमाले अध्यक्ष केपी शर्मा ओली र काङ्ग्रेस महामन्त्री गगन थापा एकै ड्याङका उहि मुला भन्दै व्यंग्यात्मक टिप्पणी गरेका छन् । नेता राईले फेशबुकमा स्टाटस राख्दै यस्तो टिप्पणी गरेका हुन् ।

ओली र गगनले आम सन्चारमाध्यममा एक अर्का प्रति दोषारोपण सहित टिकाटिप्पणी गरीरहेका छन् । यसै समयमा नेकपा एस निकट युवा संघ नेपालका उपमहासचिव तथा प्रवक्ता सन्जिप राईले सामाजिक संजाल फेसबुकमा केपी ओलि र गगन थापा एकै ड्याङका उहि मुला भनी व्यंग्य गरेका छन् ।

एमाले अध्यक्ष ओलीले केहि दिन अगाडि नेपाली काङ्ग्रेसको चुनावी घोषणामा पत्र आफ्नो संकल्प चोरी भएको आरोप लगाएका थिए । त्यसै लगत्तै नेपाली काङ्ग्रेस महामन्त्री गगन थापाले पत्रकार सम्मेलननै गरेर ओलिलाई चुनौती दिदै फुर्सद मिलाएर ट्यूसन पढाउनू बालकोट जाने बताएका थिए । उनले एमाले अध्यक्ष ओलीलाइृ सन्किको संज्ञा दिएका थिए ।

यता गगनको प्रतिक्रिया आएपछि अध्यक्ष ओलीको बचाउमा एमालेका नेताहरु शेरबहादुर तामाङ, महेश बस्नेत लगायतले महामन्त्री गगन थापा माथी प्रतिवाद गरिरहेका छन् ।